वीरगञ्ज- नेपाली कांग्रेसका केन्द्रीय सदस्य तथा पूर्व मन्त्री फर्मुल्लाह मन्सुर उपचारका लागि हेलिकप्टरमा काठमाडौं ल्याइएको छ ।

कोरोना संक्रमण पुष्टि भएपछि सिम्रिक एयरको हेलिकप्टर चार्टर्ड गरेर उनलाई काठमाडौं ल्याइएको हो ।

केही दिनदेखि ज्वरो आउने, खोकी लाग्ने र हिँड्दा दम बढ्ने समस्या भएपछि नेता मन्सुर सोमबार वीरगञ्जको एडभान्स अस्पताल गएका थिए ।

मंगलबार कोरोना संक्रमण पुष्टि भएपछि उनलाई वीरगञ्जको नेसनल मेडिकल कलेजले सञ्चालन गरेको बाबा होटल आइसोलेसनममा राखेर उपचार शुरु गरिएको थियो ।

पार्टी नेतृत्वको आग्रह पछि थप उपचारका उनलाई बुधबार काठमाडौं ल्याइएको कांग्रेस महासमिति सदस्य लोकेश सिंहले जानकारी दिए ।

काठमाडौं ल्याइएपछि उनलाई मेडिसिटी अस्पतालमा भर्ना गरिएको छ ।  उनको स्वास्थ्य स्थिति भने सामान्य नै रहेको जनाइएको छ ।