एजेन्सी- स्पेनिस ला लिगा फुटबलमा बार्सिलोनाले अझै लय समाउन सकेको छैन ।

शनिबार राति बार्सिलोनाले १० खेलाडीमा सीमित आल्भेससंग पनि १–१ गोलको बराबरी खेल्दै अंक बाँढेको छ ।

खराब प्रदर्शनबाट गुज्रिएको बार्सिलोना स्पेनिस लिगको पछिल्ला चार खेलमा जितबिहिन छ ।

तालिकाको १५औं स्थानको आल्भेसका लुईस रोजाले घरेलु टोलीलाई अघि बढाएका थिए । आल्भेसका मिडफिल्डर जोटा ६२औं मिनेटमा दोहोरो पहेलो कार्ड खाँदै मैदान छाडेका थिए ।

६३औं मिनेटमा एन्टोनी ग्रिजम्यानले बार्सिलोनाका लागि बराबरी गोल फर्काए । तर, बार्सिलोनाले १० खेलाडीमा सीमित आल्भेसमाथि जित निकाल्न भने सकेन ।

च्याम्पियन्स लिग फुटबलको पछिल्लो खेलमा युभेन्ट्सविरुद्ध जित निकालेको बार्सिलोना स्पेनिस लिगमा लिग लिडर रियल मड्रिड भन्दा ८ अंकले पछि छ ।

बार्सिलोना ८ अंक सहित १२औं स्थानमा छ । आल्भेस समान अंक जोड्दै १३औं स्थानमा छ ।