काठमाडौं– अन्तर्राष्ट्रिय क्रिकेट परिषद् (आईसीसी) को वरियता क्रममा नेपाली राष्ट्रिय क्रिकेट टोली १४ औं स्थानमा उक्लिएको छ । सोमबार आईसीसीले सार्वजनिक गरेको वरियतामा नेपालले युनाइटेड अरब इमिरेट्स (युएई) लाईपछि पार्दै १४ औं स्थानमा उक्लिएको हो ।

आइतबार ट्वान्टी—२० शृङ्खलाको अन्तिम खेलमा यूएईलाई १४ रनले पराजित गरेपछि युएईविरुद्धको शृङ्खला २—१ ले जित हासिल गरेको नेपाल र यूएईको रेटिङ अंक ४३—४३ (बराबरी) रहेपनि यूएईभन्दा एक स्थान माथि उक्लिएको छ ।

ट्वान्टी—२० वरियताको शीर्ष स्थानमा पाकिस्तान रहँदा दोस्रो स्थानमा भारत छ । यस्तै, तेस्रो स्थानमा दक्षिण अफ्रिका, चौथौ स्थानमा इग्ल्यान्ड तथा पाँचौ स्थानमा अस्ट्रेलिया रहेको छ ।

एकदिवसियमा अन्तराष्ट्रियको वरियतामा आएको नेपाल १५ औं स्थानमा रहेको छ ।