एजेन्सी- इटालियन क्लब एसी मिलानले युरोपा लिग फुटबलमा विजयी सुरुवात गरेको छ ।
बिहीबार राति भएको आफ्नो पहिलो खेलमा सेल्टिकलाई ३-१ गोलले पराजित गर्दै मिलानले सुखद सुरुवात गरेको हो ।
सेल्टिक मैदानमा राडे क्रुनिकले १४औं मिनेटमा गोल गर्दै मिलानलाई अग्रता दिलाएका थिए । ४२औँ मिनेटमा ब्राहिम डियाजले गोल गर्दै अग्रता २-० को बनाए ।
खेलको ७६औं मिनेटमा मोहमेद एल्यौनोसीले गोल गर्दै सेल्टिकलाई खेलमा फर्काउने कोशिस गरे ।
तर, ९०औं मिनेटमा जेन्स पिटर हउगेले गोल गर्दै मिलानलाई ३-१ को सहज जित दिलाए ।
जितसँगै समूह ‘एच’ को मिलानले पहिलो खेलमा ३ अंक जोडेको छ ।
प्रतिक्रिया