काठमाडौं-आईसीसी यु-१९ विश्वकप एसिया छनोटको तेस्रो खेलमा मलेसियाली युवा टोलीले नेपाली यु-१९ टोलीलाई ९३ रनको झिनो लक्ष्य दिएको छ । नेपालका पवन सरार्फ र कुसल मल्लको उत्कृष्ट बलिङमा मलेसियाका ब्याट्सम्यान निरिह रहे ।

टस हारेर पहिलो ब्याटिङको निम्तो पाएको मलेसियाले ३३.५ ओभरमा सबै विकेट गुमाउँदै ९२ रन मात्रै बनाउन सकेको थियो ।

मलेसियाले ९२ रन बनाउने क्रममा इज्जत डेनियर फिक्रिले ३७ रन बनाउँदा कप्तान मोहम्मद अमिरले १३ र हाकिम हरिसानले १० रन मात्रै बनाउन सकेपछि नेपाली युवा टोलीले ९३ रनको झिनो लक्ष्य पाएको हो ।

मलेसियाविरुद्ध नेपालका कुसल मल्ल र पवन शरार्फले समान तीन-तीन विकेट लिए भने कमलसिंह ऐरीले दुई र सागर ढकालले एक विकेट लिएका थिए । नेपाल अहिले जवाफी व्याटिङ गरिरहेको छ ।