बेइजिङ- चीन र ताइवानका कूटनीतिज्ञबीच फिजीको राजधानीमा कुटाकुट भएको छ।

गत अक्टुबर ८ तारिखका दिन फिजीको राजधानीमा भएको एक कार्यक्रममा कूटनीतिज्ञहरुबीच कुटाकुट भएको अन्तर्राष्ट्रिय सञ्चारमाध्यमले जनाएका छन् ।

फिजीस्थित ताइवानी व्यापारिक कार्यालयले स्वतन्त्रता दिवस मनाउँदै गरेको कार्यक्रममा दुई जना चिनियाँ कुटनीतिज्ञ प्रवेश गरेर अनाधिकृत कार्य गरेको विषयमा कुटाकुट भएको जनाइएको छ ।

सो कार्यक्रममा दुईजना चिनियाँ कूटनीतिज्ञ पनि प्रवेश गरेर अनाधिकृत रुपमा कार्यक्रमको तस्वीर लिएको र त्यहाँका अतिथिबारे जानकारी दिएको ताइवानले आरोप लगाएको छ ।

तर, चीनले भने आफ्ना अधिकारीहरु एक सार्वजनिक स्थानमा रहेको बेला आक्रमण भएको बताएको छ। चीनले अनाधिकृत राष्ट्रिय झण्डा, केक बनाइएकोसमेत दाबी गरेको छ ।

ताइवानले पनि आफ्ना कूटनीतिज्ञ घाइते भएको र अस्पतालमा उपचार गराइएको जनाइएको छ।

केहीसमय यता ताइवान र चीनबीच तनाव बढिरहेको छ। चीनले सैन्य हस्तक्षेप गरेर भए पनि ताइवानमाथि कब्जा गर्ने धम्की दिँदै आएको छ।