काठमाडौं -इंग्लिस प्रिमिर लिगमा चेल्सीविरुद्धको महत्वपूर्ण खेल जित्दै लिभरपुलले दोस्रो स्थानको म्यान्चेस्टर सिटीसँग ३ अंकको दुरी लम्ब्याएको छ । लिभरपुलले आइतबार राति भएको खेलमा चेल्सीलाई २-० गोल अन्तरले पराजित गरेको हो ।

खेलको पहिलो हाफमा गोलरहित बराबरी खेलेको चेल्सीले खेलको दोस्रो हाफको शुरुवातमा लय गुमाउँदा लिभरपुलका सदियो माने र मोहम्मद सलाहले गोल गरे । खेलको ५१ औं मिनेटमा महत्वपूर्ण गोल गर्दै मानेले लिभरपुललाई खेलमा फर्काएका थिए । १-० पछि परेको चेल्सीले पुनरागमन गर्न नपाउँदै सलाहले खेलको ५३ औं मिनेटमा गोल गर्दै टिमलाई चेल्सीविरुद्ध सहज अवस्थामा पुर्‍याएका थिए । सलाहको गोल नै चेल्सीविरुद्धको जीतमा महत्वपूर्ण रह्यो ।

‘उनी पछिल्ला केही खेलमा आक्रमक रुपमा मैदानमा प्रस्तुत भइरहेका छन,’ चेल्सीविरुद्ध गोल गरेका सलाहबारे बोल्दै लिभरपुलका प्रशिक्षक योर्गान क्लोपले भने ।

यस्तै, पराजित टोलीका महत्वपूर्ण खेलाडी इडन हर्जाडले भने, ‘हामीले विश्वका नामी खेलाडीसँग राम्रो खेल्यौं । तर, पनि खेल उनीहरुको पक्षमा गयो । चेल्सी राम्रो टिम हो । त्यसैले हामीले पराजय भोगेपनि उनीहरुलाई दबाबमा राख्न सफल भयौं ।’