सिन्धुपाल्चोक- नेपाल तरुण दल सिन्धुपाल्चोकले बाह्रबिसे नगरपालिकाको वडा नम्बर ७ देउरालीका बाढीपहिरो पीडित स्थानीय मास्क तथा खाद्य सामग्री विरण गरेको छ ।

तरुण दलका अध्यक्ष दोर्जे लामाले आइतबार देउराली घलाङ्साका बाढीपहिरो पीडितहरूलाई दशैँ मान्नका लागि ५६ बोरा चामल वितरण गरिएको जानकारी दिए ।

चालम लिन आएका सर्वसाधारणहरूलाई तरुण दलले सर्जिकल मास्क पनि वितरण गरिएको अध्यक्ष लामाले जनाए ।

‘दशैँका बेला बाढीपहिरो पीडितहरूलाई भोकै बस्न नपरोस भनेर हामीले सकेको चामल वितरण गरेकाम छौँ’, अध्यक्ष लामाले भने, ‘कोरोनाबाट बच्न जनचेतनाका लागि सर्जिकल मास्क पनि वितरण गरेका छौँ ।’

यसअघि शनिबार तरुण दल सिन्धुपाल्चोकले त्रिपुरासुन्दरी गाउँपालिका–२ सेलेलेका बाढीपहिरो पीडितहरूलाई खाद्यान्न तथा मास्क वितरण गरेको थियो ।