काठमाडौं- कैलालीमा तस्कर समूहले एक जना प्रहरीको हत्या गरेका छन् ।
गएराति धनगढी उप-महानगरपालिका १२ को अस्थायी प्रहरी विट जुगेडामा कार्यरत प्रहरी सहायक निरीक्षक (असई) गोविन्द विकको हत्या भएको हो ।
उनको शव मोहना नदीमा भेटिएको प्रहरीले जनाएको छ ।
सुदूरपश्चिम प्रदेशका डीआईजी उत्तमराज सुवेदीले उक्त शव असई गोविन्द विकको भएको पुष्टि गरे । घटनाका विषयमा प्रहरीले अनुसन्धान जारी राखेको उनले बताए ।
उनीसँगै ड्युटीमा खटिएका प्रहरी जवान रामबहादुर साउँद भने फेला परेका छैनन् । उनले प्रयोग गर्ने गरेको मोबाइल भने प्रहरीले फेला पारेको छ ।
तस्कर समूहले प्रहरीको हत्या गरी पानीमा फालेको हुनसक्ने प्रहरीले अनुमान गरेको छ ।
प्रतिक्रिया