काठमाडौँ– न्युजिल्याण्डले इङ्ग्ल्यान्डसँगको मैत्रिपूर्ण फुटबल नखेल्ने घोषणा गरेको छ । बुधबार न्युजिल्याण्ड फुटबलले विज्ञप्ति जारी गर्दै मैत्रिपूर्णका लागि इङ्ग्ल्यान्ड जान खेलाडीको उपलब्धता र कोरोना भाइरसको रेस्टीक्सनका कारण जान नसक्ने भन्दै स्पष्ट पारेको छ ।

इङ्ग्ल्यान्डले नोभेम्बर १२ मा विम्बलीमा मैत्रिपूर्ण फुटबलको आयोजना गरेको थियो । न्युजिल्याण्डले उक्त मैत्रिपूर्ण खेलमा सम्भावित खतरा रहेको भन्दै इङ्ग्ल्यान् टुर रद्द गरेको बताएको छ ।

‘यो खेलले घरेलु फुटबललाई पनि प्रभावित पार्नेछ,’ न्युजिल्याण्ड फुटबलले भनेको छ । गएको वर्ष नोभेम्बरमा लिथुनियासँगको खेल पनि न्युजिल्याण्डले अन्तर्राष्ट्रिय खेल खेलेको छैन् ।

यसअघि मार्चमा ओमान र बहरायनसँग मैत्रिपूर्ण फुटबल खेल्ने तय भएको थियो । तर, कोरोना भाइरस (कोभिड १९) का कारण त्यो पनि रद्द भएको थियो ।

कोरोना भाइरसको महामारी कम नभएको र यस्तो समयमा चुनौति मोल्न नसकिने भन्दै न्युजिल्याण्ड पछि हटेको हो ।