काठमाडौं-  कर्मचारी समायोजनको विषयलाई लिएर गत शुक्रबारदेखि आन्दोलनरत सरकारी चिकित्सकसँग सरकारले वार्ता गरेको छ ।

स्वास्थ्य तथा जनसंख्या मन्त्रालयमा शनिबार साँझ भएको वार्तामा सरकारले सरकारी चिकित्सक लाई १५ दिनसम्ममा समस्या समाधान गर्ने प्रतिवद्दता जनाएको छ ।

सरकारले समस्या समाधान का लागि १६ दिनको समय मागेकाले १५ दिनसम्मका लागि सरकारी अस्पताल बन्दको कार्यक्रम स्थगन गरिएको सरकारी चिकित्सक संघ गोदानका अध्यक्ष दिपेन्द्र पाण्डेले खबरहबलाइ बताए । उनले भने, आज ससरकारले हाम्रो माग पूरा गर्न १५दिनको समय मागेको छ, त्यसैले हामीले भोलिदेखि १५ दिनसम्म अस्पतालको अाकस्मिक सेवा खुलाउने विषयमा सहमत भयौं । योसंगै भोलिदेखि देशभरका सरकारी अस्पताल सबै सेवा खुल्ने भएको छ ।

कर्मचारी समायोजनमा चिकित्सकको दरवन्दी संघ अन्तर्गत हुनुपर्ने माग राख्दै सरकारी चिकित्सकले गत शुक्रबारदेखि देशभरका सरकारी अस्पतालको अाकस्मिक बाहेकको सेवा ठप्प पारेका थिए ।

चिकित्सकको अान्दोलनका कारण लाखौं बिरामी उपचार सेवा पाउन बाट वञ्चित भएपछि स्वास्थ्य मन्त्रालयले अान्दोलनरत चिकित्सकसँग वार्ता गरेको हो ।