काठमामाठौँ- लिबियाबाट सात भारतीय नागरिकको अपहरण भएको छ ।

लिबियाको तेल प्रशोधन केन्द्रमा कार्यरत ती भारतीय स्वदेश फर्कने क्रममा विमानस्थल जाँदै गर्दा लिबियाको अस्वेरिफबाट अपहरणमा परेका हुन् ।

अपहरणमा परेका नागरिकहरु आन्द्र प्रदेश, बिहार र गुजरातका रहेका छन् । अपहरणमा परेकाहरुको स्थिति अज्ञात छ भने अपहरण गर्नेहरूको पनि पहिचान नभएको भारतीय सञ्चार माध्यमहरूले जनाएका छन् ।

भारत सरकारले लिबियाली सरकारलाई उनीहरुलाई अपहरण मुक्त गर्न आग्रह गरेको छ ।

भारतीय विदेश मन्त्रालयले एक प्रेस विज्ञप्ती जारी गरी उनीहरुलाई अपहरण मुक्त गर्न लिबिया सरकारलाई आग्रह गरेको हो ।

भारत सरकारले आफना नागरिकहरुलाई लिबियाको भ्रमण नगर्न सन् २०१५ मा अपील जारी गर्दै सन् २०१६ मा प्रतिबन्धसमेत लगाए पनि अबैध रूपमा लिबिया जाने क्रम रोकिएको छैन ।