काठमाडौं- नेपालमा पछिल्लो २४ घण्टामा थप १५ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।
योसँगै नेपालमा कोरोनाले ज्यान गुमाउनेको संख्या ५७८ पुगेको छ ।
पछिल्लो २४ घण्टामा ज्यान गुमाउने कोरोना संक्रमितमध्ये ५ जना महिला र १० जना पुरुष रहेका छन् । काठमाडौंमा मात्र २ जना महिला र ४ जना पुरुष गरी ६ जनाको मृत्यु भएको छ ।
त्यसैगरी मोरङमा २ जना पुरुष, सिरहा र रौतहटमा १-१ जना महिला, ललितपुर, चितवन, रुपन्देही, नवलपरासी र दाङमा १-१ जना कोरोना संक्रमित पुरुषको मृत्यु भएको मन्त्रालयले जनाएको छ ।
यस्तो छ मन्त्रालयको तथ्यांक
प्रतिक्रिया