काठमाडौं- सत्तारुढ नेपाल कम्युनिस्ट पार्टी (नेकपा)को सचिवालय बैठक प्रधानमन्त्री निवास बालुवाटारमा जारी छ ।

बैठकमा सांगठनिक एकीकरणका बाँकी काम साथै मन्त्रिपरिषद् पुनर्गठनलगायतका विषयमा छलफल हुने एक नेताले बताए ।

प्रधानमन्त्री एवं नेकपा अध्यक्ष केपी शर्मा ओलीले रिक्त रहेका तीन मन्त्रालयमा मन्त्री नियुक्तिको तयारी गरेका छन् ।

त्यसका लागि कार्यकारी अध्यक्ष पुष्पकमल दाहालसँग पनि उनले परामर्श गरेका छन् । त्यसबारे पनि बैठकमा छलफल हुने सम्भावना रहेको ती नेताले बताए ।

यस्तै, असोज ६ मा बसेको बैठकले १० दिनभित्र बाँकी सांगठनिक एकीकरणको प्रस्ताव बनाउन अयक्षद्वय ओली र दाहालसँगै महासचिव विष्णु पौडेललाई जिम्मा दिएको थियो । तर, दश दिनको समयसिमा सकिँदा पनि प्रस्ताव तयार भएको छैन । त्यसबारे पनि छलफल हुने भएको छ ।

यसैगरी पार्टीमा छलफलविनै अघिल्लो हप्ता सरकारले नियुक्त गरेका तीन राजदूतबारे छलफल हुने जनाइएको छ।