काठमाडौं– वित्तीय संकट व्यहोरिरहेको भारतीय विमान कम्पनी जेट एयरवेजले आफ्ना सबै अन्तर्राष्ट्रिय उडान स्थगित गरेको छ ।

जेट एयरवेजसँग अहिले करिब १ सयको हाराहारीमा विमान रहेको जनाइन्छ । जसले ६ सय आन्तरिक र ३ सय ८० अन्तर्राष्ट्रिय गन्तव्यमा उडान भर्दै आएको थियो ।

आर्थिक संकटका कारण मार्च महिनादेखि जेट एयरवेजका उडानहरु प्रभावित हुँदै आएका थिए । भारत सरकारले बैंकहरुलाई विमान कम्पनीको ‘उद्दार’का लागि पहल पनि गरिरहेको छ ।

ऋणदाताहरुले ऋण नदिँदा जेट एयरवेजले भाडामा लिएका विमानको शुल्क समेत तिर्न नसकेका समाचारहरु यसअघि नै सार्वजनिक भएका थिए । अन्तर्राष्टिय सञ्चारमाध्यमका अनुसार हाल याे कम्पनी  १ सय १० करोड अमेरिकी डलर घाटामा रहेको छ ।