२५ बर्ष पहिले बलिउडमा अतुल अग्निहोत्री निकै राम्रो कलाकार मानिन्थे । अतुलले पहिलो पटक बलिउड फिल्म पसंद अपनी अपनीबाट काम शुरु गरेका थिए ।

अतुलले महेश भट्टको फिल्म सर, क्रान्तिवीर, आतिश, गुनहगार लगायतमा काम गरे । यी फिल्ममा काम गरेपछि अतुल निर्देशकको भुमिकामा पहिलो पटक सलमान खानसंग वीरगति नामक फिल्ममा काम गरे ।

अतुलका लागि वीरगति महत्वपुर्ण थियो । यदि यो फिल्म नबनेको भए सलमानसंग काम गर्ने अवसर जुर्ने थिएन । सायद उनी सलमानको ज्वाईं समेत बन्ने थिएनन् । बलिउड स्टार सलमान खानसंग अतुलले २५ बर्ष पहिले वीरगतिमा काम गरे । त्यतिबेलासम्म अतुल र सलमान परिचित थिएनन् ।

उनी आफ्नै बहिनी अल्वीराका श्रीमान हुन्छन् भन्ने सलमानलाई थाहा थिएन । सन् १९९५ मा रिलीज भएको वीरगति पश्चात अतुलको भेट सलमान खानकी बहिनी अल्वीरा खानसंग भयो ।

त्यस पश्चात दुबैले सन् १९९६ मा विवाह गरे । यहिबाट अतुलको खान परिवारसंग सम्बन्ध गासियो । तर वीरगति हिट भने हुन सकेन । यो फिल्मपछि दुबैले संगै काम गरेनन् ।