पोखरा–नेपाली कांग्रेसका सभापति शेरबहादुर देउवाले नव वर्ष २०७६ को शुभारम्भ पार्टीलाई एकतावद्ध बनाउँदै मनाउनु पर्ने बताएका छन् ।

नेपाल महिला सङ्घद्वारा आज नयाँ वर्ष २०७६ को अवसरमा आयोजित शुभकामना आदान–प्रदान तथा चियापान कार्यक्रममा उनले नयाँ वर्षबाट पार्टीलाई एकतावद्ध बनाउँदै अघि बढ्नु पर्ने बताए ।

सभापति देउवाले पोखराबाट पार्टी एकताको सन्देश जनताका माझमा पुग्नुपर्ने उल्लेख गर्दै कास्कीमा आगामी दिनमा हुने संसदीय उपनिर्वाचनमा पार्टी एक्यबद्ध हुनुपर्ने बताए ।

कार्यक्रममा कांग्रेसका वरिष्७ नेता नेता रामचन्द्र पौडेलले आगामी १० महीनापछि पार्टीको १४ औँ महाधिवेशन गरी पार्टीलाई नयाँ ढंगले अगाडि बढाउनु पर्ने बताए । उनले निर्धारित समयमा महाधिवेशन नभए कांग्रेसलाई अपूरणीय क्षति हुने बताए ।
उनले नेपाल महिला सङ्घलाई पार्टीको सङ्गठनलाई बलियो बनाउन टोल–टोलमा समिति गठन गर्न आह्वान गरे ।