एजेन्सी – उत्तर कोरियाका सर्वोच्च नेता किम जोङ उनले माफी मागेका छन् । दक्षिण कोरियाका एक अधिकारीको हत्या गरेको घटनाको विषयमा जोङले माफी मागेका हुन् ।

बीबीसीले दक्षिण कोरियाको राष्ट्रपति कार्यालयलाई उद्धृत गर्दै माफी मागेको समाचारमा उल्लेख गरेको छ । बाहिरी संसारमा निकै क्रुर मानिएका उत्तर कोरियाली नेता किमले मागेको माफीलाई बीबीसीले ‘दुर्लभ’ घटना भनेको छ ।

बीबीसीका अनुसार किम जोङ उनले आफ्ना दक्षिण कोरियाली समकक्षी मुन जे इनसँग माफी माग्दै त्यो घटना हुन नहुने बताएका छन् ।

समाचारमा जनाइएअनुसार दक्षिण कोरियाका अनुसार ४७ वर्षका ती व्यक्ति दक्षिण कोरियाबाट भागेर उत्तर कोरियातर्फ जान लागेका थिए । ती व्यक्तिलाई उत्तर कोरियाको समुद्रमा उत्तरतर्फका सुरक्षाकर्मीले भेटे । सियोलका अनुसार उनलाई पानीमा भेटेपछि गोली हानेर मारिएको र उनको शव जलाइएको थियो ।

दक्षिण कोरियाले उत्तर कोरियाले आफ्नो नागरिकको हत्या गरेको बताएको थियो ।

कोरोना भाइरसका कारण उत्तर कोरियाले आफ्ना देशमा प्रवेश गर्न खोज्ने नीति ल्याएको र त्यही कारण ती व्यक्तिको हत्या गरिएको हुनसक्ने दक्षिण कोरियाले जनाएको थियो ।

उत्तर कोरियाली नेताको राष्ट्रपति मुन जे इनलाई एक पत्र पठाइएको र त्यसमा यो घटना हुनु नपर्ने भएको उल्लेख गरिएको एक अधिकारीले बताएका छन् । पत्रमा किमले यो घटनाले आफू निराश भएको र माफी मागेको बताइएको छ ।