बुटवल- रुपन्देहीको लुम्बिनी प्रादेशिक अस्पतालको अस्थायी कोरोना विशेष अस्पतालमा थप एक कोरोना संक्रमितको मृत्यु भएको छ ।
अस्पतालका सूचना अधिकारी डा. विष्णु गौतमका अनुसार कपिलवस्तु-११, बनगाईकी ७० वर्षीया महिलाको बिहीबार साँझ साढे ५ बजे मृत्यु भएको हो ।
असोज ३ गते अस्पताल आएकी ती महिलाको पीसीआर रिपोर्ट पोजिटिभ आएपछि कोरोना विशेष अस्पतालमा उपचार भइरहेको थियो । स्थिति जटिल बनेपछि बिहीबार बिहान उनलाई् भेन्टिलेटरमा सारिएकोमा साँझ साढे ५ बजे मृत्यु भएको हो ।
सूचना अधिकारी गौतमका अनुसार मृतक महिलामा दम, मिर्गौला र रगतमा समस्या थियो । यससँगै अस्थायी कोरोना विशेष अस्पतालमा मृत्यु हुनेको संख्या १८ पुगेको छ ।
प्रतिक्रिया