काठमाडौं – इङ्ग्लिस प्रिमियर लिग क्लब वोल्भ्स (बोल्भरह्यामटन वान्डेरेर्स¬) ले स्पेनिस महारथि बार्सिलोनाका डिफेन्डर नेल्सन सेमेडोलाई भित्र्याएको छ ।

बुधबार बोल्भ्सले सेमेडोलाई ३७ मिलियर पाउण्डमा भित्रेयाएको जनाएको छ । बोल्भ्सका मुख्य प्रशिक्षक न्युनो स्पिरिटो सान्तोले यसअघि टोटनहम गएका माट डोर्हेटीको स्थानमा उनलाई भित्र्याएका हुन् ।

‘विश्वस्तरको क्लबबाट विश्वस्तरको खेलाडी टीममा आवद्ध गर्न पाउने अवसरभन्दा केही हुनै सक्दैन,’ बोल्भ्सका कार्यकारी अध्यक्ष जेफ शाइले बताएका छन् ।

२६ वर्षीय सेमेडोले १ सय १४ पटक बार्साबाट खेलेका छन् भने पोर्चुगलका लागि १३ अन्तर्राष्टिय खेल खेलेका छन् । बार्सिलोनाले उनलाई ३० मिलियन युरोमा बेचेको र १० अन्य खर्चका रुपमा लिएको बताएको छ । सेमेडोले सन् २०२३ सम्मका लागि बोल्भ्ससँग सम्झौता गरेका छन् ।