काठमाडौं – इन्डियन प्रिमियर लिग (आइपीएल) मा आज (मंगलबार) चेन्नाई सुपर किङ्स राजस्थान रोयलबीचको खेल हुँदैछ ।

शारजहा क्रिकेट मैदान दुबईमा हुने खेलमा चेन्नाई लगातार दोस्रो जीतको खोजीमा छ ।

पहिलो खेल चेन्नाईसँग खेल्न लागेको राजस्थान भने १३ औं संस्करणको सुखद् सुरुवातको लक्ष्यमा रहेको छ ।

चेन्नाईले यो सिजनको आईपीएलको पहिलो खेलमा साबिक विजेता टोली मुम्बई इन्डियन्सलाई पराजित गर्दै राम्रो सुरुवात गरिसकेको छ ।

भारतीय क्रिकेट टीमका पूर्वकप्तान महेन्द्रसिंह धोनीको टोलीविरुद्ध मैदान उत्रिने योजनामा रहेको राजस्थानका खेलाडीले उसलाई रोक्ने लक्ष्य बनाएका छन् ।

अस्ट्रेलियन क्रिकेट टीमका पूर्वकप्तान स्टेभ स्मिथले नेतृत्व गरेको राजस्थानका स्टार खेलाडी वेन स्टोक्स र जोस बट्लर टोलीमा छैनन् ।

जसमा बट्लर १४ दिनको क्वारेन्टिन नियमले अहिले युएईमा क्वारेन्टिनमा बसिरहेका छन् भने स्टोक्स परिवारसँगै न्युजिल्याण्डमा छन् ।

उनीहरु टोलीमा नहुँदा केही दबाब रहन सक्ने क्रिकेट जानकारको विश्लेषण छ । चेन्नाईले भने केही खेलाडी परिवर्तन गर्न सक्ने समाचारहरुमा बताइएको छ ।

तुलनात्मक रुपमा शारजहा मैदान सानो बाउन्ड्रीको भएकाले धोनीले नयाँ खेलाडीलाई मैदान उतार्न सक्ने बताइएको छ ।