दक्षिण भारतीय फिल्म उद्योगका सुपरस्टार रजनीकान्त आजभोलि फिल्म ‘अन्नाथे’ का कारण चर्चामा छन् । फिल्ममा उनको शीर्ष भूमिका रहने फाइनल भइसकेको छ ।
प्रकाश राज र वेला राममूर्तीको समेत अभिनय रहने यो फिल्ममा बलिउड कलाकार ज्याकी श्राफको पनि अभिनय रहने जनाइएको छ ।
फिल्ममा ज्याकी एक खतरनाक भिलेनका रुपमा देखिने चर्चा छ । खबरका अनुसार जनवरीभन्दा पहिले नै उनले यो फिल्मको छायांकन सक्नेछन् ।
फिल्मको कहानी गाउँको एक परिवारमा आधारित छ । पहिले यो फिल्म तिहारको अवसर पारेर रिलिज गरिने भनिएको थियो ।
कोरोना भाइरसले सिर्जना गरेको अवस्थाका कारण अब भने यो फिल्म सन् २०२१ मा रिलिज हुनेछ । फिल्मलाई शिवाले निर्देशन गर्दैछन् ।
प्रतिक्रिया