काठमाडौं – अभिनेता राजेश हमालले समस्यामा परेका ११३ जना चलचित्र प्राविधिकहरुलाई आर्थिक सहयोग गरेका छन् ।

चलचित्र प्राविधिक संघको आयोजनामा गरिएको एक कार्यक्रममा अभिनेता हमालले लकडाउनका कारण समस्यामा परेका प्राविधिकहरुलाई जनही ५ हजार रुपैयाँका दरले सहयोग गरेका हुन् ।

कार्यक्रममा हमालले प्राविधिकहरु आफ्ना लागि सधै उच्च रहेको बताए । साथै उनले समस्यामा परेका प्राविधिकलाई थप सहयोग गर्ने प्रतिवद्धता पनि जनाए ।

कोरोना भाइरसको महामारीका कारण कैयन् चलचित्र प्राविधिकहरू समस्यामा परेका छन् ।

अभिनेता हमालले आफू र नजिकका साथीहरुसँग उठाएर ५ लाख ६५ हजार रुपैयाँ सहयोग गरेका हुन् । उनले विदेशमा रहेका आफ्ना साथीहरुलाई प्राविधिकहरुको सहयोगमा जुटेको भन्दै धन्यवाद समेत दिए ।