काठमाडौं – निर्देशक दिनेश राउत र प्रदीप खड्काले नयाँ फिल्ममा टिमअप गर्ने भएका छन् । सामाजिक कथामा आधारित दिनेशले निर्देशन गर्ने फिल्ममा प्रदीपले अभिनय गर्ने भएका हुन् ।
दिनेशले निर्देशन गर्ने यो फिल्मका बारेमा धेरै जानकारी दिइएको छैन । यो टिमले पहिले लोकप्रिय गायक अरुण थापाको बायोपिक फिल्ममा काम गर्ने चर्चा थियो ।
तर, अब भने यी दुईले नयाँ प्रोजेक्टमा काम गर्ने भएका हुन् । गायक थापाको जीवनीमा आधारित फिल्म नबन्ने भएपछि नयाँ फिल्ममा टिमअप भएको हो ।
दिनेशले यो चलचित्रको कथा केही बर्ष अगाडि नै सोचे पनि अहिले बल्ल लकडाउनका कारण लेखिएको बताएका छन् । यो फिल्मपछि उनी रोहित अधिकारीको फिल्ममा लगानी गर्नेछन् ।
प्रतिक्रिया