काठमाडौं – बलात्कार प्रयासको आरोपमा महानगरीय प्रहरी वृत्त गौशालामा कार्यरत एक प्रहरी जवान पक्राउ परेका छन् ।

महनगरीय प्रहरी बृत्त गौशालाका प्रमुख डिएसपी जितेन्द्र बस्नेतका अनुसार, प्रहरी जवान उपेन्द्रसिंह बलात्कार प्रयास अरोपमा पक्राउ परेका हुन् ।

डिएसपी बस्नेतले खबरहबसँग भने, एक २१ बषीया युवतीले वनकालीस्थित छाप्रोमा गएर आफूलाई बलात्कार प्रयास गरेको भन्दै उजुरी दिएपछि जवान सिंहलाई पक्राउ गरेका छौं । अहिले थप अनुसन्धान गरिरहेका छौं ।

डिएसपी बस्नेतका अनुसार, प्रहरी जवान र ति युवतीबीच पहिले नै चिनजान भएको पाइएको छ । दार्चुला घर भएका जवानलाई अहिले प्रहरीले हिरासतमा लिएर अनुसन्धान शुरु गरेको बताएको छ ।

मुलुकी संहिताको दफा २१९ को उपदफा ३ को ९ ङ० मा १८ वर्षभन्दा बढी उमेरकी महिलालाई करणी गरेमा ७ देखि १० वर्ष कैद सजाय हुने व्यवस्था छ ।