काठमाडौं- स्वास्थ्य मन्त्रालयका अनुसार काठमाडौंमा मात्र २९३ जनामा कोरोना भाइरसको संक्रमण पुष्टि भएको छ ।

उपत्यकामा पछिल्लो २४ घण्टामा थपिएका ३२६ जना संक्रमितमध्ये काठमाडौंका २९३ रहेको मन्त्रालयले जनाएको हो ।

यसैगरी पछिल्लो २४ घण्टामा काठाडौंमा मात्र थप ३ जना ३७, ८३ र ९० वर्षीया महिलाको कोरोनाले मृत्यु भएको छ ।

यसअघि हिजो आइतबार ७४, ६८ र ८५ वर्षीय तीन पुरुषको मृत्यु भएको थियो ।

यसअघि आइतबार (हिजो)  काठमाडौंमा २९०, ललितपुरमा ३२ र भक्तपुरमा ३२ जना गरी जम्मा ३५४ जना संक्रमित थपिएका थिए ।

नेपालमा पछिल्लो २४ घण्टामा थप ९७९ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ४७ हजार २३६ पुगेको छ ।

पछिल्लो २४ घण्टामा थप १७३६ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ३० हजार ६७७ पुगेको छ ।

मन्त्रालयका अनुसार पछिल्लो २४ घण्टामा थप ११ जनाको कोरोनाका कारण मृत्यु भएसँगै ज्यान गुमाउनेको संख्या ३०० पुगेको छ।