काठमाडौं – राष्ट्रिय तथा अन्तर्राष्ट्रिय खेलाडी संघले कोरोना संक्रमित नेपालको पहिलो अन्तर्राष्टिय पदक विजेता खेलाडी जीतबहादुर केसीको स्वास्थ्य अवस्था बुझेको छ।

आइतबार संघका अध्यक्ष दीपक श्रेष्ठ र निवर्तमान अध्यक्ष दीपक विष्ट केसीलाई भेट्न उनको निवास पुगेका हुन् ।

सामाजिक दूरी राख्दै उनीहरुले केसीको अवस्था जानकारी लिएका थिएका हुन्। ७२ वर्षे केसीले संक्रमण भए पनि आफूलाई कोरोनाको कुनै लक्षण भने नदेखिएको बताएका छन् ।

केसी काठमाडौ महानगरपालिका १४, कंलकी रानागाउँमा परिवारसहित बस्दै आएका छन् ।

अघिल्लो साता उनी अस्वस्थ भएर अस्पताल जाँदा उनमा कोरोना संक्रमण देखिएको थियो । त्यसयता उनी घरमै आइसाेलेसनमा बस्दै आएका छन् ।

यस्तै, केसीलाई दोस्रो पटक आइतबार पीसीआर परिक्षणण हुने बताइएको छ । उनको परिवारको पनि कोरोना परिक्षण गरिनेछ ।

खेलाडी संघले केसीलाई २ बोरा चामलसहित अन्य खाद्यान्न सामाग्री उपलब्ध गराएको थियो । केसीले नेपालका लागि सन् १९७३ मा फिलिपिन्समा भएको एसियन एथलेटिक्स च्याम्पियनसिपमा कास्य पद जितेका थिए । उक्त पदक नेपालका लागि पहिलो अन्तर्राष्ट्रिय पदक हो ।