ललितपुर- ललितपुरमा सवारी चेक जाँचलाई कडा पारिएको छ । आज रातो मछिन्द्रनाथको रथ यात्राको समाचार संकलन गर्न गएका सञ्चारकर्मीलाई पनि रोक लगाइएको छ ।

सूचना विभागको पास भएकाले मात्र अनुरोधसहित ललितपुर प्रवेश पाएका थिए । बिहीबार पुल्चोकमा भएको झडपमा प्रेसको ज्याकेट लगाएका व्यक्तिले प्रहरीलाई ढुंगा हानेको भिडियो भाइरल भएपछि आज कडाइ गरिएको छ । आज पुल्चोकबाट तानेर २० मिटर टाढा स्रोह्र खुट्टे पाटीमा रातो मच्छिन्द्र नाथको रथ लगिँदैछ।

गत बिहीबार पुल्चोकमा रहेको रथलाई करिब ५ मिटर टाढा पुर्‍याउँदा रथ तान्न पुगेका स्थानीय र प्रहरीबीच झडप भएको थियो। त्यसयता रथ सडकको बीचबाटैमा छ।

झडपपछि सरोकारवाला निकाय र गुठी खल: हरुको संयुक्त बैठकले रातो मछिन्द्रनाथको रथयात्रालाई औपचारिकता मात्र दिने निर्णय गरिएको थियो। शुक्रवार क्षमा पूजा गरिएको र आज रथ तान्न थालिएको हो।