एजेन्सी- यूईएफए नेसन्स लिग फुटबलमा इंग्ल्यान्डले विजयी सुरुवात गरेको छ ।

शनिबार भएको खेलमा आयरल्याण्डलाई १-० गोल अन्तरले पराजित गर्दै इंग्ल्यान्डले विजयी सुरुवात गरेको हो ।

आयरल्याण्डको मैदानमा भएको खेलमा इंग्ल्यान्डलाई जित दिलाउन रहिम स्टर्लिङले निर्णायक गोल गरे ।

दुबै टिम १० खेलाडीमा समेटिएको खेलको इन्जुरी समयमा स्टर्लिङले पेनाल्टीमा निर्णायक गोल गरेका थिए ।

आयरल्याण्डका डिफेन्डर इन्गासनले पेनाल्टी क्षेत्रमा हातले बल रोकेपछि इंग्ल्यान्डले पेनाल्टीको अवसर पाएको थियो । जसमा स्टर्लिङ गोल गरे ।

खेलको इन्ज्युरी समयमै बिर्किरले पेनाल्टीमा गोल गर्न नसक्दा आयरल्याण्डले कम्तिमा बराबरी रहने मौका गुमाएको थियो ।

जितसँगै लिग ‘ए’ समूह २ मा इंग्ल्यान्डले ३ अंक जोड्दै समूहको शीर्ष स्थानमा रहन सफल भएको छ ।