बिर्तामोड– झापा क्षेत्र नम्बर ३ का सांसद राजेन्द्र लिङ्देनले आफूलाई ज्यान लिने धम्की दिने व्यक्ति र प्रकरणबारे बृहद् अनुसन्धान गर्न माग गरेका छन् ।

झापाको बिर्तामोडमा बुधबार भएको पत्रकार भेटघाटमा लिङ्देनले घटनामा संलग्नमाथि विस्तृत रुपमा अनुसन्धान गर्न माग गरेक हुन् ।

एक सातादेखि अज्ञात व्यक्तिले आफूलाई मार्न भनेर रकम (सुपारी) लिएको भन्दै फोन आइरहेको विषय सार्वजनिक भएपछि पत्रकार सम्मेलन गरेर लिङदेनले यसबारे सत्यतथ्य बाहिर ल्याउन माग गरेका छन् ।

प्रहरीको केन्द्रीय अनुसन्धान ब्यूरो (सीआईबी) ले घटनामा संलग्न भएको आरोपमा लिङ्देनकै निर्वाचन क्षेत्रमा रहेको कचनकवल गाउँपालिका–२ झापाका तिलकदास पराजुली र हुम्लाका प्रदिप रोकालाई पक्राउ गरेको थियो ।

पक्राउ परेकामध्ये लिङ्देनलाई धम्क्याउने तिलकदास भएको प्रहरीकोले बताएको छ । घटनाबारे थप अनुसन्धान भइरहेको प्रहरीले जनाएको छ ।