काठमाडौं- राष्ट्रपति विद्यादेवी भण्डारीले प्रकृति र वातावरणमैत्री बस्ती विकास गर्न आग्रह गरेकी छिन्।

मुलुकका विभिन्न ठाउँमा गएको बाढी पहिरोका घटननाप्रति दुःख व्यक्त गर्दै उनले त्यस्तो विकल्प सुझाएकी हुन्। उनले  बागलुङ‚ कालीकोट र सिन्धुपाल्चोकमा गएको बाढीपहिरो र हुम्लामा भएको आगलागीमा जनधनको ठूलो क्षति भएकामा दुःख व्यक्त गरेकी छिन् ।

‘मौसमी विपद्को जोखिम हरेक वर्ष भयावह हुने गरेको छ। बागलुङ‚ कालिकोट र सिन्धुपाल्चोकमा गएको बाढी–पहिरो र हुम्लामा भएको आगलागीमा जनधनको ठूलो क्षति हुन गएकोमाअत्यन्तै दु:खी छु’, राष्ट्रपति भण्डारीले ट्विटरमा लेखेकी छिन्, ‘प्रकृति र वातावरणमैत्री दिगो‚ सुरक्षित र एकीकृत बस्ती विकास गरी मानव जीवन रक्षामा राष्ट्रको ध्यान लगाऔं।‘