एजेन्सी- केन्याको मोम्बासास्थित नियाली क्षेत्रमा रहेको एक गुफामा भगवान् शिवको प्राचीन मन्दिर भेटिएको छ । उक्त मन्दिरको भिडियो अहिले सामाजिक सञ्जालमा भाइरल बनेको छ ।

बेलायतमा रहेकी एक भारतीय संगीतकार किशोरी जानीले गोम्बेश्वर गुफाको भ्रमण गरी मन्दिरको भिडियो सामाजिक सञ्जालमा राखेकी हुन् ।

कुल दुई मिनेट २० सेकेन्ड लामो भिडियोमा गुफाहरूको दृश्य देख्न पाइन्छ । त्यसमा शिवलिंग गुफामा निकै भित्र देख्न सकिन्छ । उनले मन्दिरमा पूजाआजा समेत गरेको जनाइएको छ । उनी फर्किँदै गर्दा ऊँ नमः शिवाय मन्त्र  समेत उच्चारण गरेकी छिन् ।

उक्त गुफाको मन्दिर निकै समयअघि बनाइएको जनाइन्छ ।

अफ्रिकाका एक गोठालाले आफ्नो एक गाईले डाँडाको एक विशेष ठाउँमा सधैं दूध चुहाएको याद गरेका थिए । त्यसपछि उक्त क्षेत्रमा बस्ने हिन्दू परिवारहरूले किन गाईले दूध चुहाएकी होलिन् भनी हेर्न खोजेको र खोज्दै जाँदा मन्दिर भेटेका थिए ।

गोठालाहरू र हिन्दू परिवारहरूले सुन्दर गुफामा शिवलिंग भेटे । यस गोप्य मन्दिरको बारेमा जानकारी भएकाहरू पूजाआजाका लागि त्यहाँ पुग्ने गरेका छन् ।

शिवजीका भक्तहरू भिडियोबाट अत्यन्तै प्रभावित भएर गोप्य मन्दिरको प्रशंसा गरिरहेका छन् । किशोरी जानीको भिडियो भारतीय लेखिका अद्वैता कालाले शेयर गरेपछि भाइरल भएको हो ।

यस्तो छ भिडियो

Lovely – discovering an ancient Shiva temple in a cave in Mombasa, Kenya! 🙏 pic.twitter.com/IOHQP7u8D3

— अद्वैता काला #StayHome 😷 (@AdvaitaKala) August 19, 2020