हुम्ला- हुम्ला जिल्लाको सर्केगाड सर्केघाड गाउँपालिका- ४ रोडिकोटको ठूलो गाउँमा भीषण आगलागी भएको छ ।
एक घरबाट शुरु भएको आगलागीबाट अहिले १५ भन्दा बढी घर जलेको स्थानीयवासी धर्मराज शाहीले बताए ।
बेलुकी करीब ६ बजेतिर एक्कासि गाउँमा आगलागी भएको जनाइएको छ ।
नियन्त्रणका लागि गाउँका सबै गए पनि केही गर्न नसकिएको बताइएको छ ।
पानीको हाहाकार भएकाले निभाउन नसकिएको जनाइएको छ ।
आगलागी नियन्त्रणका लागि गाउँपालिका केन्द्रबाट प्रहरीको टोली त्यसतर्फ पठाइएको जिल्ला प्रहरी प्रमुख सूर्यप्रसाद सुवेदीले जानकारी दिए । आगलागीबाट भएको क्षतिको विवरण आउन बाँकी छ ।
प्रतिक्रिया