काठमाडौं- कास्कीका २३ सहित गण्डकी प्रदेशमा ३५ कोरोना संक्रमित थपिएका छन् ।

स्वास्थ्य निर्देशनालय गण्डकी प्रदेशले आज बिहान विज्ञप्ति जारी गर्दै थप ३५ जनामा कोरोनाको संक्रमण पुष्टि भएको जानकारी दिएको हो ।

स्वास्थ्य निर्देशनालयका अनुसार तनहुँका १ जना, कास्कीका २३ जना, लमजुङका ४ जना, नवलपरासी पूर्वका ७ जनामा कोरोना पुष्टि भएकाे हो ।

क्षयरोग उपचार केन्द्र पोखरा, भरतपुर अस्पताल र राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा उनीहरुमा कोरोना पुष्टि भएको स्वास्थ्य निर्देशनालयका निर्देशक डा. विनोद विन्दु शर्माले जानकारी दिए ।

अध्यावधिक विवरण अनुसार गण्डकी प्रदेशमा कोरोना संक्रमितको संख्या २ हजार २४५ पुगेको छ ।

स्वास्थ्य निर्देशनालयले जारी गरेको विज्ञप्ति