काठमाडौं – विश्व चर्चित फुटबलर लियोनल मेस्सीले बार्सिलोना छाड्ने हल्ला चलेको झण्डै एक साता पुग्न लाग्यो । तर, अहिलेसम्म यसमा कुनै खास निचोड निस्किएको छैन् ।

गएको मंगलबार मेस्सीले बार्सिलोनाका अध्यक्ष जोसेफ मारियो बर्तमोउलाई क्लब छाड्ने भन्दै पत्र काटेपछि यो विषय उत्कर्षमा पुगेको हो ।

पछिल्लो समाचार अनुसार मेस्सीले बार्सिलोनासँग बैठकको प्रस्ताव गर्दा क्लबले अस्वीकार गरेको जनाइएको छ । स्पेनिस फुटबल पत्रिका मार्काले एल पेरियोडिकोलाई उदृत गर्दै बार्सिलोनाले मेस्सीको प्रस्ताव अस्वीकार गरेको जनाएको छ ।

मेस्सीले बर्तमान समयमा सिर्जना भएको समस्याको समाधानबारे छलफलका लागि प्रस्ताव गरेको तर, बार्सिलोनाले रुचि नदेखाएको उक्त समाचारमा भनिएको छ ।

‘अब कि मेस्सीको सम्झौता नविकरण हुन्छ । नभए त्यसमा छलफल नै हुँदैन्,’ मार्काले लेखेको छ।

त्यो बाहेक मेस्सीलाई फ्रि टान्सफर मार्फत् लैजान कुनै क्लबले ७ सय मिलियन युरो तिर्नु पर्नेछ ।

केही दिन अगाडी क्लबका अध्यक्ष कर्तमोउले मेस्सी बार्सिलोनामा रहे आफु राजीनामा दिन तयार रहेको बताएका थिए ।

मेस्सीका लागि प्रिमियर लिग क्लब म्यान्चेस्टर सिटी, फ्रान्सेली क्लब पेरिस सेन्ट जर्मन (पीएसजी) र इटालीयन क्लब इन्टर मिलानले कसरत गरिरहेका छन् ।