मुम्बई – भारतीय कलाकार सञ्जय दत्त क्यान्सरसँग जुधिरहेका छन् । उनी आफैले केही समयअघि यसबारे जानकारी दिएका थिए ।

सञ्जयले आफ्नो शुरुवाती उपचार मुम्बईकै एक अस्पतालमा गराएका छन् । अब उनी थप उपचारका लागि अमेरिका जाने चर्चा चलेको छ ।

खबरका अनुसार अमेरिकामा उनको उपचार आफ्नी आमा नगरिसलाई उपचार गराइएको अस्पतालमा गरिनेछ । क्यान्सर भएको थाहा पाएपछि सञ्जयले अमेरिकाको भिसाका लागि आवेदन दिएका थिए ।

शुरुमा उनलाई भिसा पाउन मुस्किल भएको थियो । किनकि, सञ्जयल सन् १९९३ मा भएको ब्लास्ट काण्डमा मुछिएका छन् ।

अब भने अमेरिकाले सञ्जयलाई ५ वर्षको भिसा दिएको भारतीय मिडियाले उल्लेख गरेका छन् । केही समयपछि सञ्जय आफ्नी पत्नी मान्यता र बहिनी प्रियासँग उपचारका लागि न्यूयोर्क जाने बताइएको छ ।