बर्दिया- बर्दियाको मधुवन नगरपालीकामा एक व्यक्तिको दाहसंस्कारपछि कोरोना रिपोर्ट पोजिटभ आएका कारण पीसीआर परीक्षण गरिएका ७८ जना मलामीको कोरोना रिपोर्ट नेगेटिभ आएको छ ।

मधुवन –९ का कोरोना पोजेटिभ ७८ वर्षीय एक पुरुषको मुत्युपछि मलामी गएका ७९ जनाको परीक्षण गर्दा एक जनामा कोरोना सङ्क्रमण देखिएको नगरप्रमुख गणेशबहादुर क्षेत्रीले जानकारी दिए ।

दाहसंस्कारपछि मृतक व्यक्तिको सम्पर्कमा रहेका मलामी र स्थानीयलाई क्वारेन्टिन तथा होम क्वारेन्टिनमा राखिएको थियो ।

भदौ १ गते ७८ वर्षीय पुरुषको कोरोना सङ्क्रमणका कारण मृत्यु भएको थियो ।

नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएपछि घर ल्याएर दाहसंस्कार गरिसकेपछि उनको कोरोना रिपोर्ट पोजेटिभ आएको थियो ।