काठमाडाैं- नेपाली कांग्रेसका सभापति शेरबहादुर देउवाले पार्टीका नेता गोविन्द रञ्जितको निधनप्रति दुःख व्यक्त गरेका छन्।
कांग्रेस काठमाडौं महानगरपालिका वडा-२१ कार्यसमितिका सभापति रञ्जितको उपचारका क्रममा आज बिहान ६७ वर्षको उमेरमा निधन भएको हो।
सभापति शेरबहादुर देउवाले एक शोक विज्ञप्तिमार्फत् श्रद्धाञ्जली अर्पण गर्दै शोक सन्तप्त परिवारजनमा समवेदना प्रकट गरेका छन्।
२०३६ देखि विद्यार्थी आन्दोलनबाट राजनीतिक जीवन यात्रा प्रारम्भ गरेका रञ्जितले पार्टी संगठन र नेपालको लोकतान्त्रिक आन्दोलनहरूमा सक्रिय भूमिका निर्वाह गरेका थिए।
प्रतिक्रिया