काठमाडौँ – नेपालको गत वर्षको आर्थिक बृद्धिदर २.२८ प्रतिशतमा सीमित भएको नेपाल राष्ट्र बैंकले जनाएको छ ।

राष्ट्र बैंकले सोमबार सार्वजनिक गरेको आर्थिक वर्ष २०७६/०७७ को आर्थिक तथा वित्तीय स्थिती सम्बन्धी प्रतिवेदनमा आर्थिक बृद्धिदर २.२८ प्रतिशत रहेको जनाएको हो ।

केन्द्रीय तथ्यांक विभागका आधारमा आर्थिक वर्ष २०७६/७७ मा २.२८ प्रतिशत आर्थिक वृद्धि भएको राष्ट्र बैँकले जनाएको छ ।

गत आर्थिक वर्षमा कृषि क्षेत्रको वृद्धि २.५९ प्रतिशत, उद्योग क्षेत्रको ३.२३ प्रतिशत तथा सेवा क्षेत्रको वृद्धि १.९९ प्रतिशत रहेको अनुमान गरिएको छ ।

आर्थिक वर्ष २०७६/७७ मा कुल गार्हस्थ उत्पादनमा कृषि, उद्योग र सेवा क्षेत्रको अंश क्रमशः २७.६५ प्रतिशत, १४.२७ प्रतिशत र ५८.०८ प्रतिशत रहेको छ ।