मोटरसाइकलमा आएका व्यक्तिले झोला छोडेर भागे, १६ लाख रुपैयाँ बरामद

७ भदौ २०७७, आइतबार

पढ्न लाग्ने समय : < 1 मिनेट

बारा – प्रहरीले बारामा १६ लाख रुपैयाँ बरामद गरेको छ । महागढीमाई नगरपालिका –७ बेनौलीस्थित सडकबाट प्रहरीले सो रकम बरामद गरेको हो ।

प्रहरीले पश्चिम बनौली चोकतर्फबाट आएको मोटरसाइकल चेक जाँच गर्ने क्रममा चालकले उक्त रकम भएको झोला फालेर भागेका थिए ।

फ्याँकिएको झोला खोलेर हेर्दा उक्त झोलाबाट एक हजार दरको ७ सय ६२ थान र ५ सय दरको १ हजार ६ सय ७६ थान गरी १६ लाख रुपैयाँ बरामद गरेको प्रहरीले जनाएको छ ।

प्रहरीले फरार व्यक्ति र मोटरसाइकलको खोजी भइरहेको जनाएको छ ।

प्रकाशित मिति : ७ भदौ २०७७, आइतबार ६ : ०६ बजे

प्रतिक्रिया