कैलाली- गृहमन्त्री रामबहादुर थापासहितको टोलीले शुक्रबार अछामको बाढीप्रभावित क्षेत्रको स्थलगत निरीक्षण गरेको छ ।

गएको मंगलबार राति अविरल वर्षासँगै कैलाश खोलामा आएको बाढीले अछाममा ठूलो जनधनको क्षति गरेपछि सो क्षेत्रको गृहमन्त्री थापासहितको टोलीले स्थलगत निरीक्षण गरेको हो ।

बाढीले बेपत्ता भएकाहरुका परिवारसँगसमेत गृहमन्त्री थापाले भेटघाट गरेका छन् ।

नेपाली सेनाको हेलिकप्टरमार्फत् अछाम पुगेका गृहमन्त्री थापासँगै उद्योग, वाणिज्य तथा आपूर्तिमन्त्री लेखराज भट्ट, पूर्वमन्त्री भीम रावल पनि सहभागी थिए ।

बाढीमा बेपत्ता भएका १७ जनामध्य १२ जनाको शव भेटिएको थियो भने ५ जना अझै बेपत्ता छन् । उनीहरुको खोजी जारी राखिएको छ ।