काठमाडौं– कोरोना संक्रमित तथा कोरोनाको आशंका गरिएका बिरामीको उपचारमा संलग्न ५ अस्पताललाई कोरोना रोकथाम, नियन्त्रण तथा उपचार कोषबाट ७ करोड ५० लाख रकम निकासा भएको छ ।

स्वास्थ्य मन्त्रालयको पत्राचारमा अर्थ मन्त्रालयले ५ वटा अस्पताललाई कोरोना संक्रमित तथा संक्रमणको आशंका गरिएका बिरामीको उपचार, जोखिम भत्ता लगायतका लागि ७ करोड ५० लाख ४ हजार रुपैयाँ निकासा गरेको हो ।

अर्थ मन्त्रालयले जोखिम भत्ता उपलब्ध गराएका ५ वटा अस्पतालहरुमा चितवनको भरतपुर अस्पताल, काठमाडौंका कान्ति बाल अस्पताल, राष्ट्रिय ट्रमा सेन्टर, भेरी अस्पताल र कर्णाली स्वास्थ्य विज्ञान प्रतिष्ठान रहेका छन् ।

यस्तै कर्णाली प्रदेशको चौरजहारी र दैलेख अस्पतालमा ल्याब व्यवस्थापन र रिएजेन्ट खरिदका लागि १० लाखका दरले २० लाख रुपैयाँ कर्णाली प्रदेशलाई वित्तीय हस्तान्तरण गरिएको छ ।

कुन अस्पतालले पाए कति रकम ?