मुम्बई – भारतीय फिल्मस्टार ऋतिक रोशनको पछिल्लो फिल्म ‘वार’ ले बक्स अफिसमा धमाका मच्चाएको थियो । फिल्मले भारतमा मात्र ३ सय करोडभन्दा बढी कमाइ गरेको थियो ।

यो फिल्म ऋतिकको करिअरको सर्वाधिक कमाइ गर्ने फिल्म बन्न सफल भएको थियो । फिल्मको निर्माण यशराज फिल्मसले गरेको थियो ।

यतिबेला यशराज फिल्मस र ऋतिक रोशनले पुनः अर्को फिल्ममा काम गर्न थालेको चर्चा चलेको छ । भारतीय मिडियाका अनुसार ऋतिक र यशराज फिल्मसबीच नयाँ फिल्मका लागि कुराकानी भइरहेको छ ।

यो फिल्म पनि थ्रीलर हुने र सिद्धार्थ मल्होत्राले नै निर्देशन गर्ने जनाइएको छ । यो एक ठूलो बजेटको फिल्म हुनेछ ।

खबरका अनुसार फिल्ममा ऋतिकसँगै अर्का कुनै अभिनेता पनि रहने जनाइएको छ । यद्यपि फिल्मको आधिकारिक घोषणा भने गरिएको छैन ।