झापा –  झापाको दमकमा आज एकै दिन १३ जनामा कोरोना भाइरसको संक्रमण पुष्टि भएको छ ।

योसँगै दमकमा कोरोना संक्रमितको संख्या ४४ पुगेको छ । केही दिनअघि स्वाब संकलन गरी परीक्षणका लागि पठाइएकोमा आज १३ जना पुरुषको रिपोर्ट पोजेटिभ आएको दमक नगरपालिकाका स्वास्थ्य निरीक्षक बद्री बरालले जानकारी दिए ।

संक्रमितमध्ये ३ जना शसस्त्र प्रहरी रहेका छन् भने दुई जना नेपाल टेलीकम दमकमा कार्यरत ३७ र ४० वर्षका पुरुष कर्मचारी रहेका छन् ।

यस्तै दमक ५ मा होम क्वारेन्टाईनमा बसेका ३१ बर्षका एक पुरुषमा पनि संक्रमण देखिएको छ । अन्य ७ जना संक्रमित विदेशबाट आएर दाहाल प्रतिष्ठानमा बनाइएको क्वारेन्टाईनमा बसेका दमककै विभिन्न वडाका २१ देखि ४४ वर्षसम्मका पुरूषहरू भएको  बताइएको छ ।