आज कुशे औँसी अर्थात बुबाको मुख हेर्ने दिन । आजका दिन घर घरमा राखिएको कुश वर्षभर हुने देवकार्य एवं पितृकार्यमा प्रयोग गरिन्छ भन्ने विश्वास गरिन्छ ।

यसै अवसरमा छोराछोरीहरू परम्पराअनुसार आ–आफ्ना बाबुलाई मन पर्ने मिठाइ तथा भोजन खुवाइ आदर सम्मान प्रकट गर्ने र बाबुको मुख हेर्ने गर्दछन् । बाबु नहुनेहरू विभिन्न पवित्र स्थानमा गई आफ्ना बाबुको नाममा तर्पण, पिण्डदान तथा श्राद्ध गरी सिदा दिन्छन् ।

बढ्दो कोरोना भाइरसको संक्रमणले धेरै मठमन्दिर र जलासयमा जान रोक लगाएपछि आज बिहान भक्तपुरको हनुमन्ते खोलामा मानिसहरुको चहलपहल बढेको थियो । स्नान तर्पण तथा पिण्डदान गर्नका लागि खोलामा मानिसहरु पुगेका थिए।

हनुमन्ते खोलाको बिहानको दृश्य यस्तो थियो