काठमाडौं – नेपाल–भारतबीच संयुक्त अनुगमन संयन्त्र (ज्वाइन्ट ओभरसाइट मेकानिजम) को बैठमा भारतीय सहयोगमा नेपालमा सञ्चालित परियोजनाबारे छलफल भएको छ ।

सोमबार भएको भिडियो संवादमा दुवै पक्षले भारतीय सहयोग अन्तर्गत विकास परियोजनाहरूको प्रगतिबारेको समीक्षा गरेका छन् ।

नेपाल सरकारका विभिन्न मन्त्रालय, विभाग र एजेन्सीका प्रतिनिधि, भारतीय राजदूतावासका अधिकारी, परामर्शदाता र परियोजना कार्यान्वयनमा रहेका ठेकेदारहरूले भिडियो संवादमा सहभागिता जनाएका थिए ।

संवादको नेतृत्व नेपालको तर्फबाट परराष्ट्र सचिव शंकरदास बैरागी र भारतको तर्फबाट नेपालका लागि भारतीय राजदूत विजयमोहन क्वात्राले गरेका थिए । झण्डै तीन महिनापछि दुई पक्षबीच औपचारिक वार्ता भएको हो ।

२०७२ सालमा गएको भूकम्पले भत्किएका ५० हजार हजार निर्माण गरिने भारतीय पक्षले प्रतिबद्धता अनुरुप हालसम्म ४६ हजार तीन सय एक घर निर्माण भएको बैठकमा जानकारी दिइएको थियो ।

त्यसैगरी संवादमा मोतीहारी–अमलेखगञ्ज पेट्रोलियम पाइपलाइनका विषयमा पनि छलफल भएको थियो ।