काठमाडौ- काठमाडौंको मनमैंजुमा छुरा प्रहार गरी एक जनाको हत्या भएको छ । नुवाकोटका लक्ष्मण तामाङको हत्या भएको प्रहरीले जनाएको छ ।
छुरा प्रहारबाट घाइते भएका उनको ग्रिनसिटी अस्पतालमा लगिएकोमा चिकित्सकले मृत घोषणा गरेका हुन् । दोर्जे तामाङले लक्ष्मणमाथि छुरा प्रहार गरेको प्रहरी अनुसन्धानबाट खुलेको छ । छुरा प्रहार गर्ने दोर्जे फरार छन् ।
उनको खोजीमा महानगरीय अपराध महाशाखा र काठमाडौं प्रहरीको टोली खटिएको छ ।
दुई जनाबीच भनाभन हुँदा विवाद चर्किएपछि उनको हत्या भएको हुनसक्ने प्रहरीले अनुमान गरेको छ । घटनाका विषयमा प्रहरीले अनुसन्धान जारी राखेको छ ।
प्रतिक्रिया