झापा- नेपाल विद्युत प्राधिकरण दमकका पाँच कर्मचारीमा कोरोना पुष्टि भएको छ । विद्युत प्राधिकरणका ५ सहित ६ जनामा आज कोरोना संक्रमण पुष्टि भएको हो ।
नेपाल विद्युत प्राधिकरण दमकमा काम गर्ने पाँच कर्मचारीमा कोरोना देखिएको दमक नगरपालिकाका स्वास्थ्य शाखाका नगेन्द्र भट्टराईले पुष्टि गरे ।
त्यस्तै दमक ५ बस्ने एक महिलामा पनि संक्रमण पुष्टि भएको छ । ती महिला भारतबाट फर्केर होम क्वारेन्टाइनमा बसेकी थिइन् ।
कोरोनाको हटस्पट बनेको विराटनगर आवतजावत गरेका कारण प्राधिकरणका कर्मचारीमा संक्रमण फैलिएको हुनसक्ने आशंका गरिएको छ । यसबारे अनुसन्धान भइरहेको भट्टराईले जानकारी दिए ।
प्रतिक्रिया