सिन्धुपाल्चोक- सिन्धुपाल्चोकको जुगल गाउँपालिका–२ को लिदीमा गएको पहिरोले २७ घर पुरेको छ । ३५ बढी बेपत्ता भएको स्थानीयले बताएका छन् ।

स्थानीय पेशलाल दोङको अनुसार पहिरोमा ३५ बढी बेपत्ता भएको र २७ घर पुरिएको जानकारी दिए । पुरिएका घरमध्ये २२ घर पूर्ण रुपमा क्षति पुगेको बाँकी ५ घरमा आंशिक क्षति पुगेको दोङले बताए ।

गाउँपालिकाको अध्यक्ष होमनारायण श्रेष्ठले पहिरो खस्ने र तलबाट झर्ने क्रम जारी रहँदा उद्धारमा कठिनाइ भएको बताएका छन् । उद्धारका लागि गएको हेलिकोप्टर पनि घटनास्थलमा अवतरण हुन सकेको छैन ।

पहिरो गएको क्षेत्रमा सभामुख अग्नीप्रसाद सापकोटा, बागमती प्रदेशका सामाजिक विकास मन्त्री युवराज दुलाललगायतको टोली गएपनि हेलिकोप्टर चौतारामा अवतरण गरिएको छ ।

हेर्नुहोस घटनास्थलका तस्वीर