एजेन्सी- जर्मनी क्लब आरबी लाइप्जिग च्याम्पियन्स लिगको सेमिफाइनलमा पुगेको छ ।
गएराति सम्पन्न क्वाटरफाइनल अन्तर्गतको खेलमा आरबी लेइपजिंगले एटलेटिको म्याड्रिडलाई २-१ गोल अन्तरले पराजित गरेको हो ।
आरबी लाइप्जिग लागि डानी ओल्मो र टेलर एडम्सले एक एक गोल गरेका थिए भने एटलेटिकोका लागि जोअओं फेलिक्सले एक गोल गरेका थिए ।
१-१ गोलको बराबरी रहेको अवस्थामा खेलको ८८औ मिनेटमा एडम्सले गोल गर्दै आरबी लेइपजिंगलाई च्याम्पियन्स लिगको सेमिफाइनलमा पुर्याएका हुन् ।
योसँगै आरबी लाइप्जिग पहिलो पटक च्याम्पियन्स लिगको सेमिफाइनलमा पुगेको छ ।
अब सेमिफाइनलमा लाइप्जिग पीएसजीसँग अगस्ट १८ मा खेल्ने छ ।
प्रतिक्रिया